Hysbysiadau i’r wasg genedlaethol
Y Deg Cwyn Mwyaf Cyffredin
Cyswllt Defnyddwyr yn datgelu’r deg cwyn mwyaf cyffredin yn 2006
9 Ionawr 2007
Cafodd Cyswllt Defnyddwyr, gwasanaeth cyngor y llywodraeth sydd ar gael ar y ffôn ac ar-lein, fwy o gwynion am geir ail-law wedi’u prynu oddi wrth ddelwyr annibynnol nag unrhyw nwyddau neu wasanaethau penodol eraill yn 2006.
Mae’r ffigurau sydd wedi’u rhyddhau heddiw yn dangos bod Cyswllt Defnyddwyr wedi cofnodi 37,594 o achosion am gerbydau ail-law a brynwyd oddi wrth ddelwyr annibynnol, sef 3.9 y cant o’r cyfanswm o 963,684 o achosion a gofnodwyd yn 2006.
Cwynion am gytundebau gwasanaeth ar gyfer ffonau symudol ddaeth yn ail, gyda 24,799 o achosion, a chwynion am setiau teledu ddaeth yn drydydd gyda 18,311 o achosion. Cwynion am dramiau oedd y nifer isaf i gael eu cofnodi, sef pum achos yn unig.
Mae pob achos sy’n cael ei gofnodi gan Gyswllt Defnyddwyr yn cael ei nodi o dan un o 453 o godau cynhyrchion neu wasanaethau, sy’n galluogi’r gwasanaeth i greu darlun o’r meysydd sy’n peri’r pryder mwyaf i ddefnyddwyr. Mae hyn a data arall yn cael ei ddefnyddio wedyn i fwydo ac i ffocysu adnoddau a gwaith Gwasanaethau Safonau Masnach yr Awdurdodau Lleol a’r Swyddfa Masnachu Teg.
Er bod y canlyniadau’r weddol gyson drwy’r wlad i gyd, roedd yna wahaniaethau. Contractau ar gyfer gwasanaethau ffonau symudol greodd y nifer fwyaf o gwynion i Gyswllt Defnyddwyr gan alwyr yn Llundain, a dodrefn lledr oedd y gŵyn amlycaf yn yr Alban.
O ddidoli’r 453 o godau penodol yn 66 o gategorïau cwyno cyffredinol, y tri maes uchaf ar gyfer cwynion oedd cynnal-a-chadw a gwella cartrefi, sef 7.7 y cant o’r achosion, ceir ail law gyda 6.6 y cant a thelathrebu gyda 5.8 y cant.
Cymerodd Cyswllt Defnyddwyr gyfanswm o ychydig dros 1.5 miliwn o alwadau ffôn a negeseuon e-bost gan ddefnyddwyr yn 2006, sef cynnydd o 79 y cant ers y flwyddyn flaenorol, yn rhannol am fod tair canolfan gysylltu newydd wedi’u hagor (yng Ngogledd-orllewin Lloegr, Gogledd-ddwyrain Lloegr a Gorllewin Canolbarth Lloegr) a chynnydd yn ymwybyddiaeth y cyhoedd o’r gwasanaeth.
Dywedodd Christine Cryne, Cyfarwyddwr Cyswllt Defnyddwyr yn y Swyddfa Masnachu Teg: 'Yn 2006, llwyddodd Cyswllt Defnyddwyr i ymestyn ei waith i bob rhan o Brydain Fawr. Drwy gynnig cysylltiad â’r gwasanaeth i fwy o bobl, rydyn ni wedi llwyddo i sicrhau gwell gwybodaeth am y prif faterion sy’n wynebu defnyddwyr'.
Mae Cyswllt Defnyddwyr yn darparu gwybodaeth am hawliau defnyddwyr ac mae’n cynghori galwyr ar sut i geisio cael iawn os aiff rhywbeth o’i le. Mae’r gwasanaeth yn cael ei reoli gan y Swyddfa Masnachu Teg a’i gyflwyno mewn partneriaeth â Gwasanaethau Safonau Masnach yr Awdurdodau Lleol.
Gall pobl y mae arnyn nhw angen cyngor i ddefnyddwyr ffonio 08454 040505 neu edrychwch ar y wefan yn www.cyswlltdefnyddwyr.gov.uk
Y Deg Cwyn Mwyaf Cyffredin am nwyddau a gwasanaethau penodol yn 2006
|
Categori |
Nifer yr achosion |
% o gyfanswm yr achosion |
|
Ceir ail law a brynwyd oddi wrth ddelwyr annibynnol |
37594 |
3.9 |
|
Ffonau symudol (cytundebau gwasanaeth) |
24799 |
2.6 |
|
Setiau teledu |
18311 |
1.9 |
|
Gwaith adeiladu cyffredinol arall |
17503 |
1.8 |
|
Ffonau symudol (caledwedd) |
17115 |
1.8 |
|
Nwyddau a gwasanaethau personol (Eraill) |
15223 |
1.6 |
|
Trwsio ceir a chynnal-a-chadw ceir gan fodurdai annibynnol |
14498 |
1.5 |
|
Dodrefn clustogog |
14426 |
1.5 |
|
Ceginau wedi’u ffitio |
12819 |
1.3 |
|
Ceir ail law a brynwyd oddi wrth ddelwyr masnachfraint |
12641 |
1.3 |
Tueddiadau cyffredinol y cwynion yn 2006
|
Categori |
Nifer yr achosion |
% o gyfanswm yr achosion |
|
Cynnal-a-chadw a gwella cartrefi |
74078 |
7.7 |
|
Ceir ail law |
59562 |
6.2 |
|
Telathrebu |
55733 |
5.8 |
|
Dodrefn |
49641 |
5.2 |
|
Clyweledol |
38661 |
4.0 |
|
Offer domestig mawr |
30424 |
3.2 |
|
Cyfrifiaduron personol, ategolion, meddalwedd a gwasanaethau |
26292 |
2.7 |
|
Dillad a defnydd ar gyfer dillad |
23995 |
2.5 |
|
Trwsio ceir a chynnal-a-chadw ceir |
23264 |
2.4 |
|
Bwyd a diod |
20334 |
2.1 |
