Rhannu amser
Byddwch yn ofalus - mae rhai cwmnïau’n defnyddio tactegau digon amheus i werthu cynlluniau rhannu amser neu aelodaeth clybiau gwyliau. Er enghraifft, gallech chi gael cynnig gwobr neu rodd i’ch perswadio i fynd i gyflwyniad lle byddwch o dan bwysau mawr i lofnodi yn y fan a’r lle. Oni bai eich bod chi o ddifrif ynglŷn ag ystyried prynu gan y cwmni o dan sylw, cadwch draw.
Os byddwch yn llofnodi contract rhannu amser yn y DU, mae gennych chi gyfnod ailfeddwl o 14 diwrnod pryd y cewch chi ganslo’r contract (ac unrhyw gytundeb credyd sy’n gysylltiedig â'r contract) yn rhad ac am ddim a sicrhau ad-daliad am unrhyw arian rydych wedi’i dalu. Rhaid i’r gwerthwr beidio â gofyn am arian gennych na derbyn arian gennych yn ystod y cyfnod ailfeddwl.
Mewn llawer gwlad arall, 10 diwrnod yw’r cyfnod ailfeddwl. Os nad ydych yn siŵr ynglŷn â’ch sefyllfa, peidiwch â llofnodi: arhoswch nes ichi gyrraedd adref a gofynnwch am gyngor cyfreithiol.
Mae clybiau gwyliau yn debyg iawn i gynhyrchion rhannu amser ond dylech fod yn ymwybodol ei bod yn bosibl na chewch chi’r un amddiffyniad ag a gewch chi ar gyfer rhannu amser.
Gweler hefyd:
Os byddwch yn prynu cynllun rhannu amser neu aelodaeth mewn clwb gwyliau a'ch bod yn gweld wedyn nad ydych wedi cael popeth rydych chi wedi talu amdano, mae'n dal yn bosib y gallwch gael eich arian yn ôl, ar yr amod eich bod wedi talu ar gredyd. Ond os byddwch yn digwydd newid eich meddwl, dydy hyn ddim yn gymwys.
