Tocynnau
Taliadau ychwanegol, hawliau canslo, y math o sedd - gall prynu tocyn fod yn fwy cymhleth nag y tybiech chi. Dysgwch bopeth y mae angen ichi ei wybod er mwyn prynu’n wybodus, drwy ddarllen ein canllaw cyflym isod.
Wrth brynu tocyn mae’n bwysig bod yn glir o ran yr hyn sy’n cael ei werthu ichi a bod gennych chi ddigon o wybodaeth i wneud dewis gwybodus. Ydych chi’n gwybod:
- pa fath o sedd neu docyn rydych chi’n ei brynu?
- a yw’r pris y mae gofyn ichi ei dalu yn un teg neu ai dyna’r pris gorau sydd ar gael?
- beth yw’ch hawliau os bydd pethau’n mynd o chwith ac i bwy y dylech chi gwyno?
- gwerth enwol y tocyn?
Mae’r canlynol yn gwestiynau y dylech eu gofyn i chi’ch hun wrth brynu tocyn:
Pris
- ai dyma’r pris rhataf y gallaf ei dalu?
- alla i brynu’r tocyn rywle arall?
- alla i brynu’r tocyn heb dalu ffioedd ychwanegol (gan swyddfa docynnau er enghraifft)?
Ansawdd
- oes rhywbeth i ddangos pa fath o docyn rydw i’n ei brynu (seddau blaen/balconi/golygfa gyfyngedig)?
- ydy gwerth enwol y tocyn yn cael ei ddangos?
Anfon y tocynnau
- ydw i’n gwybod pa bryd y ca i’r tocynnau?
- fydd fy nhocynnau’n cael eu hanfon o dan yswiriant neu drwy’r dosbarthiad cofnodedig neu oes rhaid imi eu casglu nhw?
Problemau
- beth sy’n digwydd os na fydd fy nhocynnau’n cyrraedd?
- beth sy’n digwydd os caiff y digwyddiad ei ganslo? Fydda i’n cael fy arian yn ôl?
- beth sy’n digwydd os bydd lleoliad neu ddyddiad y digwyddiad yn newid? Fydda i’n cael fy arian yn ôl?
- beth sy’n digwydd os na alla i fynd i’r digwyddiad? Fyddan nhw’n rhoi ad-daliad neu’n cynnig ailwerthu’r tocyn?
Gweler Mynnwch wybod eich hawliau - Tocynnau i gael gwybodaeth am eich hawliau ar ôl ichi brynu tocynnau.
