Templed rhif. 04 - Defnyddiwch y templed canlynol i ysgrifennu llythyr er mwyn hysbysu’r masnachwr eich bod am ganslo’r contract.
Defnyddiwch y templed canlynol i ysgrifennu llythyr er mwyn hysbysu’r masnachwr eich bod am ganslo’r contract.
Pan fyddwch yn prynu nwyddau neu’n gwneud contract am wasanaethau penodol trwy ddulliau o bell, e.e. dros y rhyngrwyd, dros y ffôn, drwy archebu drwy’r post ac ati, rheolir eich contract gan Reoliadau Diogelu Defnyddwyr (Gwerthu o Bell) 2000. Yn gyffredinol, mae’r Rheoliadau yn rhoi 7 diwrnod gwaith i chi (gan gychwyn o’r diwrnod ar ôl i chi wneud y cytundeb) i ganslo’r contract, oni bai y cytunwyd bod y gwasanaeth yn cychwyn o fewn y cyfnod 7 diwrnod (byddai’n rhaid i’r masnachwr fod wedi darparu telerau ac amodau ysgrifenedig ynghylch y gwasanaeth).Os ydych yn dymuno canslo, dylech gysylltu â’r masnachwr ar unwaith dros y ffôn neu drwy anfon neges e-bost, a dilyn hyn yn ysgrifenedig (mynnwch brawf postio / neu anfonwch drwy ddosbarthiad a gofnodwyd, gan gadw copi ar gyfer eich cofnodion), ac anfon y llythyr o fewn y terfyn amser.
Dylid defnyddio’r templed hwn fel canllaw ac efallai na fydd yn addas i’ch sefyllfa benodol. Os bydd arnoch angen cyngor ac arweiniad mwy manwl, ffoniwch Cyswllt Defnyddwyr ar 08454 04 05 06
