Ynni a Phost

Os hoffech gyfyngu ar y post hysbysebu rydych yn ei dderbyn yn ddiwahoddiad, mae nifer o bethau y gallwch eu gwneud.

1. Cofrestru gyda’r Gwasanaeth Dewis Post (MPS).

Bydd cofrestru ag MPS yn atal rhan fwyaf y deunydd hysbysebu ar gyfer defnyddwyr na ofynnwyd amdano sy’n cael ei gyfeirio at unigolion yn bersonol ac sy’n cael ei gludo drwy’r post at eu cyfeiriad cartref.
Bydd hysbysebu gan gwmnïau rydych wedi gwneud busnes â nhw yn y gorffennol neu elusennau rydych wedi gofyn iddynt am wybodaeth neu wedi rhoi cyfraniadau iddynt yn y gorffennol yn parhau i gyrraedd. Os nad oes angen yr ohebiaeth hon arnoch bellach, gallwch roi stop arni trwy gysylltu’n uniongyrchol â’r cwmni neu elusen unigol.

Ni all MPS atal taflenni heb gyfeiriad arnynt, eitemau a gyfeiriwyd at “Y Deiliad", "Y Preswylydd" neu fusnes, nac unrhyw bapurau newydd am ddim a mewnosodiadau cylchgronau a biliau. Yn ogystal, mae’n bosibl atal peth post lleol, ond efallai na fydd yn atal post rhag dod o dramor.

Manylion cyswllt:
- Ffôn: 0207 291 3310.
- E-bost mps@dma.org.uk
- Ewch i’r wefan ar www.mpsonline.org.uk
- neu ysgrifennwch atynt yn y cyfeiriad canlynol:

Mail Preference Service
DMA House
70 Margaret Street
LONDON
W1W 8SS

2. Y Post Brenhinol o Ddrws i Ddrws

Mae’r Post Brenhinol yn cynnig gwasanaeth “Drws i Ddrws” sy’n targedu’n benodol  unrhyw bost marchnata heb gyfeiriad. Mae’n bosibl dileu eich cyfeiriad oddi ar restr y Post Brenhinol drwy gysylltu â nhw.

Manylion Cyswllt:
- Ffôn: 08457 950 950
- E-bost: optout@royalmail.co.uk
- neu ysgrifennwch atynt ar y cyfeiriad canlynol:

Door to Door Opt Outs
ROYAL MAIL
Kingsmead House
Oxpens Road
OXFORD
OX1 1RX

"Nôl i'r brig